mot

MOT m.

1. Gjendja e atmosferës në një kohë e në një vend të caktuar, e cila përcaktohet nga një varg dukurish (nga erërat, reshjet, temperatura etj.); tërësia e këtyre dukurive që zhvillohen në shtresën e ulët të atmosferës së një vendi në një kohë të caktuar, kohë. Mot i bukur (i mirë, i keq, i egër, i ashpër). Mot me lagështi (me shira). Vështirësitë e motit. Parashikimi i motit. Si është moti në pranverë (në verë, në vjeshtë, në dimër)? Po mban moti vazhdon të jetë kohë e mirë, po mban koha. U nxi moti u vrejt. U prish (u kthjellua) moti. Ka marrë moti për mirë (për keq). U nda moti u hap koha, u bë kohë e mirë. E kthen gëzofin si të jetë moti. fj.u.
2. Vit. Mot i brishtë. Moti i parë (i dytë...). Moti i ri. Mot i mbarë. Motin e shkuar (e ardhshëm). Mot për mot. Moti me motin. bised. çdo vit; nga viti në vit. Një mot po, një mot jo. Në gjysmë të motit. E bëri (e mbushi) motin. S'e zuri moti. Nga mot. bised. çdo vit. Nga mot gëzuar! ur. Hyri viti, shkoi moti. fj.u. Kush është i zoti, s'i shkon zi moti. fj.u. Një herë në mot del e kullot. gjëzë (hosteni).
Mot e jetë gjithnjë, gjithmonë. Mot e zaman vjet. vazhdimisht, që prej shumë kohësh, që kur s'mbahet mend. Për jetë e mot gjithnjë, gjithmonë. Kokrra e motit shih te KOK/ËRR,~RRA. U përzie moti shih te PËRZIEJ. Po rëndon moti shih te RËNDOJ. I shtyrë në mot mjaft i moshuar, i vjetër, plak. Iu bë sahati mot dikujt shih te SAHAT,~I. Ç'sjell sahati nuk sjell moti fj. u. shih te SAHAT,~I.

MOT ndajf.

Vitin që vjen, në vitin e ardhshëm. Mot si sot sot një vit. Mot më mirë. Jo sivjet, po mot. Mot do të vijë. Më mirë një vezë sot se një pulë mot. fj.u.
Sot e mot shih te SOT. Lagu sot e rruhu mot shih te LAGEM.