bar

Shqip

Emër

bar m.sh. -

1. bot. Bimë zakonisht njëvjeçare, me kërcell të hollë e të njomë që nuk drunjëzohet, me gjethe të holla e të gjata në ngjyrë të gjelbër, e cila mbin e dendur në livadhe e në vende të tjera dhe shërben kryesisht si ushqim për kafshët; përmb. tërësia e bimëve të këtij lloji, që rriten vetë në livadhe, në ara etj.; mbulesa e gjelbër me këto bimë; lëndinë. Bar i gjelbër. Bar i njomë (i ri, i thatë). Bar i egër bimë barishtore që mbin e rritet vetë. Bar i dendur. Bar helmues (i kripur). Bar mali (kënete). Bar vjeshte. Fije bari. Mullar bari. Kosë bari. Ngjyrë bari. Një dorë (një gojë) bar. Del (mbin) bari. E mbuloi bari. Ka zënë bar. I shtie (i hedh) bar. Korr (kosit) bar. Mbledh (lidh) barin. Shkul barërat. Ha bar. Shkel (shtrihem) mbi bar.
2. fig. Gjë pa shije, ushqim si kashtë; gjellë që s'ka fare kripë.

• Bar helmues shfaqje e mbeturinave ose e ndikimeve të një ideologjie të huaj e reaksionare; mbartësi i një ideologjie të huaj e reaksionare. Bar i keq të meta, vese e koncepte të dëmshme që pengojnë mbarëvajtjen e punës; ai që ka këto të meta, vese e koncepte. Me bar e me gjethe me të gjitha ç`kam; kokë e këmbë. E bëri bar e rrënoi, e shkretoi, e la pa gjë prej gjëje. E hëngri barin (livadhin, çairin) shih te HA. Nuk ha bar (kashtë) shih te ha. E ka mbuluar bari (ia ka mbuluar varrin bari) ka vdekur prej kohësh, prej kohësh nuk është më. I ka dalë (i ka mbirë) bari (në faqe, në sy) ka vdekur prej kohësh; është tepër vonë tashti. I mbiu bari në faqe ka shumë kohë që po pret. Ç'i shtie bar! përb. ç'ia var, mos u merr me të! E bëri të hante bar përb. e vuri poshtë, e mposhti. Fluturon me një fije bar përçm. i rritet mendja shpejt; rrëmbehet lehtë. E ha barin pa shkop keq. shih te shkop,~i. I dha barin e ballkotit dikujt shih te ballkot,~i. Mbledh me bar blete mbledh në shtëpi një shumicë njerëzish të ndryshëm, duke i joshur me diçka. Kërkon gjilpërën (qimen) në bar (në kashtë, në mullar) shih te gjilpërë,~a. E la tokën bar e la tokën djerr, pa punuar. Zë peshk në bar është shumë i shkathët, është shumë i zoti, bën të pamundurën. Më zuri goja bar (erë) jam fare vetëm, s'kam me kë të ndërroj dy fjalë. I vajti bari sa hanxhari shih te hanxhar,~i. I zëntë shtëpia (oborri) bar! mallk. i vdekshin njerëzit e shtëpisë, u shoftë megjithsej, iu shoftë pragu. S'di gomari ç'është bari mospërf. shih te gomar,~i. Prit gomar të mbijë bar! shih te gomari. S'e lë hunda të hajë (të kullotë) bar tall. shih te hundë,~a. Zog bari zool. shih te zog,~u.

II m.sh. -

1. Lëndë e përgatitur posaçërisht për mjekimin a parandalimin e një sëmundjeje ose për shërimin e një plage, ilaç; bimë ose pjesë e një bime, e përgatitur në një mënyrë të caktuar, që përdoret për mjekime. Bar qetësues (mjekues, nxitës). Bar i hidhur. Bar pluhur (me kokrra). Bar kundër gripit (kundër helmimit). Bar plakash. Recetë barnash. Shishe me bar. Pi barin. I jap një bar.
2. Lëndë kimike, zakonisht helmuese ose me erë të keqe, që përdoret për të zhdukur a për të larguar insektet e kafshët e dëmshme. Bar mole (lëkurësh) naftalinë. Bar pleshtash. Bar tartabiqesh. Bar morri. Bar miu (minjsh).
3. fig. Mjet a mënyrë që ndihmon për të kapërcyer një fatkeqësi, për të dalë nga një e keqe a vështirësi ose për të harruar një hidhërim etj. Kërkon barin. Ia gjeti barin. S`ka bar për këtë.

• Bar djathi farë djathi që bëhet nga mullëza e qengjit; farë djathi. Bar dhëmbësh pastë dhëmbësh. Bar kulaçi sodë buke.

III m.sh. - Lokal i vogël, ku pinë zakonisht më këmbë. Bar veror.

IV m.sh.fiz. - Njësi e matjes së shtypjes atmosferike. Shtypje një bar.

Fjalë rrjedhëse

bar argjendi bar balsami bar beronje bar bibe bar blete bar brenge bar breshke bar buçi bar dallëndysheje bar delli bar derri bar djathi bar dhëmballe bar ethesh bar fare bar gomari bar griskle bar gryke bar guri

bar gjaku bar gjalpi bar gjarpri bar gjedheni bar helmi bar hënëze bar hikrraqi bar hirre bar hirrëze bar i hidhët bar i imët bar i keq bar i madh bar i qelbur bar i trashë bar i verdhë bar jodi bar kolaneci bar krimbi

bar kripi bar kryezi bar kukunjëze bar lebre bar lepuri bar lëngose bar lëngjyre bar lunge bar majasëlli bar me kokë bar mëndafshi bar miu bar mjalti bar morri bar ndërgishteje bar nepërke bar ngalose bar ngjitës bar pasrregulli

bar pate bar peshku bar pezmi bar përdhesi bar plakash bar plasjeje bar plehu bar pleshtash bar pulash bar pushi bar qeni bar qerosi bar qumështi bar rresh bar sahati bar squfuri bar shëllire bar shkëndije bar shpërgëtie

bar shpirre bar shpretke bar shqiponje bar shurrëgjakeje bar tambli bar telishi bar teshi bar të preri bar thëllëze bar thiu bar uji bar urdheje bar urithi bar vedre bar verdhëze bar vese bar veshi bar zemre bar zogu

Në gjuhë tjera

Anglisht - I 1. grass, II 1. medicine, III pub, IV bar Gjermanisht Frëngjisht Polonisht Japonisht Hollandisht Italisht Suedisht Portugalisht Spanisht Kroatisht Arabisht Greqisht Boshnjakisht Persisht

Rusisht Kinezisht Finlandishte Norvegjisht Esperanto Danisht Sllovakisht Hebraisht Çekisht Hungarisht Luksemburgisht Maqedonisht Latinisht Letonisht Rumanisht

Katalanisht Serbisht Sllovenisht Indonezisht Bullgarisht Turqisht Ukrainisht Lituanisht Koreanisht Bjellorusisht Irlandisht Estonisht Venecianisht Interlingua Anglishte e thjeshtë